"Байер" бош директори Фернандо Карро Жонатан Танинг "Бавария"га ўтиши ҳақидаги миш-мишларга жавоб берди.
28 ёшли марказий ҳимоячи мюнхенликларнинг трансфер мақсадларидан бири ҳисобланади, бу ҳақда жорий мавсумда бир неча бор хабар берилган эди.
"Биз Та билан шартномани узайтирмоқчимиз. Биз ўз ўйинчиларни текинга кетишига йўл қўймаймиз. Демак, биз унинг шартномасини узайтиришимиз ёки сотишимиз керак.
Биз Жонатан билан гаплашдик, уни жуда қадрлаймиз. У билади, биз уни сақлаб қолмоқчимиз, лекин биз ҳам унинг истакларини ҳурмат қиламиз.
Кўрамиз, у қоладими? "Бавария" биз билан боғланмади", - деди Леверкузен клуби бош директори.
