"Интер" бош директори Жузеппе Маротта клубнинг трансфер бозоридаги ишлари ҳақида гапирди. "Нерадзуррилар" яқинда ўзларига А Серия чемпионлигини кафолатладилар.
"Биз трансфер бозорида ижодкор бўлишимиз керак. Ҳозир муҳим ўйинчилар кетгани йўқ, лекин охирги йилларда Ҳакимий, Лукаку, Онана каби юқори савияли футболчилар бизни тарк этганда ҳам тўғри йўналишда ўзгаришга қодир эканимизни исботлаб бўлдик.
Биз ўзгаришлардан, танқиддан қўрқмаслигимизни кўрсатдик. Бу бизга кимни қаерга сотишимиздан қатъий назар, кучли бўлиб қолишимизга имкон беради", - дея Мароттанинг сўзларини келтирган журналист Даниэле Мари.
