"Inter" bosh direktori Juzeppe Marotta klubning transfer bozoridagi ishlari haqida gapirdi. "Neradzurrilar" yaqinda o‘zlariga A Seriya chempionligini kafolatladilar.

"Biz transfer bozorida ijodkor bo‘lishimiz kerak. Hozir muhim o‘yinchilar ketgani yo‘q, lekin oxirgi yillarda Hakimiy, Lukaku, Onana kabi yuqori saviyali futbolchilar bizni tark etganda ham to‘g‘ri yo‘nalishda o‘zgarishga qodir ekanimizni isbotlab bo‘ldik.

Biz o‘zgarishlardan, tanqiddan qo‘rqmasligimizni ko‘rsatdik. Bu bizga kimni qayerga sotishimizdan qat’iy nazar, kuchli bo‘lib qolishimizga imkon beradi", - deya Marottaning so‘zlarini keltirgan jurnalist Daniele Mari.