Майкл Доусоннинг фикрича, Деян Кулусевски йиқилганида пенальти бор эди.

Кеча АПЛнинг 35-тури доирасида "Арсенал" ўз майдонида "Тоттенхэм"ни мағлуб этди (3:2).

Ўйиндан сўнг "шпорлар"нинг собиқ ҳимоячиси Майкл Доусон "канонирлар"нинг иккинчи голи олдидан "Тоттенхэм"га Леандро Троссарднинг меҳмонлар жарима майдонида Деян Кулусевскига нисбатан қўпол ўйнагани учун пенальти белгиланиши кераклигини айтди.

Доусоннинг фикрича, Кулусевскининг йиқилиши пенальтига асос бўларди, бироқ ҳужумчи оёққа туришга ҳаракат қилиб, ҳалоллик кўрсатган.

"Мен учун бу пенальти. У оёққа туришга ҳаракат қилиб, икки-уч қадам ташлади ва ҳакамда барчаси жойида бўлгандек таассурот қолдирди", деди Доусон Sky Sports нашрига.

"Сити"нинг собиқ футболчиси Майк Ричардс ҳам шундай деди: "Мен Доусоннинг фикрига қўшиламан. Агар у олдинроқ йиқилган бўлса, ҳакамлар буни кўриб чиқишлари мумкин эди.

У оёққа туришга урингани учун "жазоланди". Бу вазият бошқача якунланиши мумкин эди".