«Манчестер Сити» посбони Жо Харт жамоасининг «МЮ»дан сезиларли фарқ билан ортда қолаётгани ҳақида фикр билдирар экан, ҳамшаҳарларининг «Сити» қилган хатолардан унумли фойдаланганини айтиб ўтди.
«Умуман олганда Англияда ёмон мавсумни ўтказмадик, лекин бизнинг рақибимиз — қотиллик машинаси бўлди. Улар керакли ўйинларда ғалаба қозонишди.
Премьер лигада ғалаба қозониш осон иш эмас, бу жуда мураккаб турнир. Биз мағлубиятга учраганимизда «МЮ» бизнинг хатоларимиздан жуда ўринли фойдаланди ва очколар фарқи ошиб кетди. Нима бўлган тақдирда ҳам биз ўз йўлимизда давом этишимиз керак»,- дейди дарвозабон.