"Барселона" ҳужумчиси Роберт Левандовски яқин келажакда жамоани тарк этиш нияти йўқлигини айтди.
Жорий мавсумда оммавий ахборот воситаларида польякнинг Саудия Арабистонига кетиши мумкинлиги ҳақидаги хабарлар тез-тез пайдо бўлди. Ҳозир 35 ёшли форварднинг ўзи келаётган ёзда жамоани тарк этмаслигини айтди.
"Барселона"ни бу ёзда шубҳасиз тарк этмайман. Бу мен учун вариант эмас. Ҳозир ўзимни яна жисмонан яхши ҳис қиляпман", - дея 2022 йилнинг ёзидан буён "Барселона"да тўп тепаётган Левандовски сўзларини келтиради журналист Флориан Плеттенберг.