"Манчестер Сити" ярим ҳимоячиси Кевин Де Брюйне Саудия клубларининг келаси ёздаги мақсадларидан бири. Маълумки, "шаҳарликлар" ўз етакчисини сотишни исташмаяпти, белгияликнинг ўзи эса кетиш ниятида эмас.
Шунга қарамай, журналист Бен Жейкобснинг ёзишича, ёзги трансфер ойнасида Саудия Арабистони чемпионати вакиллари 32 ёшли футболчини ўз сафларига тортишга ҳаракат қилишади.
Потенциал харидорларнинг фикрича, юқори даражадаги келишув учун муҳим бонуслар билан бирга 100 миллион фунт стерлингдан кўпроқ (тахминан 117 миллион евро) керак бўлади. Кевин Де Брюйненинг "Манчестер Сити" билан амалдаги шартномаси 2025 йилнинг ўрталарига қадар мўлжалланган.
