"Манчестер Сити"нинг машҳур собиқ ҳужумчиси Серхио Агуэро "Ливерпуль" ҳужумчиси Дарвин Нуньесга маслаҳат берди. Уругвайлик футболчи "қизиллар"нинг сўнгги олтита ўйинида бирорта ҳам самарали ҳаракат қайд этмаган.

"Эҳтимол, жамоадошлари ва мураббийи унга шундай маслаҳат беришса керак. Ҳаракат қилишда давом этиши керак. Бу, айниқса, Дарвин каби тўпурар учун асосий омил. Унинг маҳорати бор, у доимо изланишда. Сиз унга ҳурмат кўрсатишингиз керак", - дея аргентиналик собиқ футболчининг сўзларини келтиради инглиз ОАВлари.

Дарвин Нуньес жорий мавсум “Ливерпуль” сафида 51 та ўйинда майдонга тушиб, 18 та гол ва 11 та голли узатмага муаллифлик қилган.