"Байер" марказий ҳимоячиси Жонатан Та "Бавария"га ўтиши мумкинлиги ҳақидаги миш-мишларга изоҳ берди.
"Фармацевтлар" бош директори Фернандо Карро яқинда айтганидек, клуб 28 ёшли футболчини янги шартнома имзолашга рози бўлмаса, келгуси трансфер ойнасида сотишга мажбур бўлади, чунки амалдаги шартнома бир йилдан кейин тугайди. “Бавария” марказий ҳимоячи учун асосий даъвогар саналади.
"Бавария" каби клуб билан боғланиш жуда ёқимли. Аммо ҳозир бор эътиборимни “Байер” билан бу мавсумда юта оладиган иккита совринга қаратганман. Мен Саймон Ролфес, спорт директори ва Фернандо Карро билан мулоқотдаман, қолган ҳамма нарсани мавсум тугаганидан кейин билиб оламиз”, деди Та.
