Мадриднинг “Реал” клуби бош мураббийи Карло Анчелотти “Бавария” билан 2014 йилги Чемпионлар лигаси ярим финал учрашувини эслади.
2013/2014 йилги мавсумда Анчелотти бошчилигидаги “қаймоқранглилар” “Бавария”ни 4:0 ҳисобида мағлуб этишди.
“Шубҳасиз, бу яхши хотира. Аммо эртага бу бутунлай бошқача воқеа бўлади. Биз биринчи ўйинга ишонч билан яқинлашмоқдамиз, лекин биз жуда кучли футболчиларга эга юқори сифатли, маҳоратли рақибга қарши туришимизни тушунамиз.
Биз бу ерда бўлганимиздан хурсандмиз, чунки бу хонада ҳам кам одам мени ярим финалда ушбу матбуот анжуманига етиб бораман деб ўйлаган эди, лекин мен шу ердаман. Бизни яна Чемпионлар лигаси финалига олиб чиқиши мумкин бўлган ярим финалда ўйнашимизга ишонч шундан. Лекин унутмангки, ярим финал 180 дақиқа давом этади", - дея Анчелотти сўзларини келтиради AS.
Жамоалар ўртасидаги учрашув бугун, 30 апрель куни "Альянц-Арена" стадионида Тошкент вақти билан соат 00:00да бошланади.
