"Манчестер Юнайтед"нинг собиқ футболчиси Гари Невилл "Челси" раҳбариятини янги келганлар билан узоқ муддатли шартномалар имзолаш ғояси учун танқид қилди.
“Саккиз йиллик шартномалар ҳар томонлама ёмон, чунки улар мантиқий эмас деб ўйлайман. Улар ёш футболчи учун унчалик яхши эмас. Пул катта ва сиз 21 ёки 22 ёшли ёш футболчи бўлганингизда саккиз йиллик шартномангиз бор деб ўйлайсиз.
Клуб сизни назорат қилади деб ўйлаши мумкин, лекин ёш футболчи: "Мен бойман, мен ҳақиқатан ҳам бойман" деб ўйлайди. Бу баъзи одамлар учун муаммо, бу уларнинг фикрлашига таъсир қилади", - деди собиқ футболчи.
35 турдан сўнг "Челси" 48 очко билан Англия Премьер-лигаси турнир жадвалида 9-ўринни эгаллаб турибди.
