“Бавария” ҳимоячиси Маттейс де Лигт “Аякс”га қайтиш истагини билдирди.

"Мен "Аякс"га қайтиш ҳақида тез-тез ўйлайман ва бир кун келиб бу содир бўлади деб умид қиламан. Мен у ернинг асосий жамоасида 3 йил ўтказдим - нисбатан кам муддат. "Аякс"да бироз кўпроқ вақт ўтказишимни кутгандим, аммо ҳаммаси бошқача бўлиб кетди.

Агар қачондир “Аякс”га қайтиш имконим бўлса, у ерда яна ўйнашни жуда хоҳлардим. Аммо аниқ бир нарса айтишнинг иложи йўқ", - дея футболчининг сўзларини келтиради Голландия клуби сайти.

Де Лигт "Аякс" тарбияланувчиси ҳисобланади. Нидерландиялик футболчи 2019 йилда ўз жамоасини тарк этиб, 85,5 миллион евро эвазига "Ювентус"га ўтган эди. У 2022 йилдан бери "Бавария"да ўйнаб келмоқда.