Эммануэль Адебайор Премьер-лигадаги чемпионлик пойгаси ҳақидаги фикрлари билан ўртоқлашди.

"Арсенал" 35-турдан кейин 80 очко билан АПЛ турнир жадвалида пешқадамлик қилмоқда. "Манчестер Сити" 1 очко ортда қолмоқда.

"Арсенал" билан ҳамма нарса рўй бериши мумкин. Улар қанчалик яхши ўйнай олишини ҳаммамиз биламиз ва бу жамоа жуда камтар ва иқтидорли. Агар мендан улар мумкин бўлган тўққиз очкодан тўққиз очко тўплашига ишончим комилми, деб сўрасангиз, ишончим комил эмаслигини айтаман. Улар билан ҳамма нарса содир бўлиши мумкин. Биз буни бир неча ҳафта олдин “Астон Вилла”га қарши ўйинда кўрдик, барчамиз ўша ўйинда ғалаба қозонади деб ўйлагандик.

Агар сиз мендан "Манчестер Сити" кейинги 20та ўйинда ғалаба қозона оладими, деб сўрасангиз, албатта "ҳа" деб жавоб берган бўлардим. Лекин нотўғри тушунманг, “Арсенал” яхшироқ ва кучлироқ кўринади ва улар тажриба орттиришди. Уларнинг шахсияти ва характери бор" - деди "Арсенал" ва "Манчестер Сити"нинг собиқ ҳужумчиси Premier League Productions блан суҳбатда.