Emmanuel Adebayor Premyer-ligadagi chempionlik poygasi haqidagi fikrlari bilan o‘rtoqlashdi.
"Arsenal" 35-turdan keyin 80 ochko bilan APL turnir jadvalida peshqadamlik qilmoqda. "Manchester Siti" 1 ochko ortda qolmoqda.
"Arsenal" bilan hamma narsa ro‘y berishi mumkin. Ular qanchalik yaxshi o‘ynay olishini hammamiz bilamiz va bu jamoa juda kamtar va iqtidorli. Agar mendan ular mumkin bo‘lgan to‘qqiz ochkodan to‘qqiz ochko to‘plashiga ishonchim komilmi, deb so‘rasangiz, ishonchim komil emasligini aytaman. Ular bilan hamma narsa sodir bo‘lishi mumkin. Biz buni bir necha hafta oldin “Aston Villa”ga qarshi o‘yinda ko‘rdik, barchamiz o‘sha o‘yinda g‘alaba qozonadi deb o‘ylagandik.
Agar siz mendan "Manchester Siti" keyingi 20ta o‘yinda g‘alaba qozona oladimi, deb so‘rasangiz, albatta "ha" deb javob bergan bo‘lardim. Lekin noto‘g‘ri tushunmang, “Arsenal” yaxshiroq va kuchliroq ko‘rinadi va ular tajriba orttirishdi. Ularning shaxsiyati va xarakteri bor" - dedi "Arsenal" va "Manchester Siti"ning sobiq hujumchisi Premier League Productions blan suhbatda.
