"Ливерпуль" "Бёрнли" дарвозабони Жеймс Траффордни сотиб олмоқчи, дея хабар бермоқда Football Insider нашри.
"Ливерпул"нинг иккинчи дарвозабони Куивин Келлехер ёзда жамоани тарк этиши мумкин, шу боис клуб раҳбарияти унга ўринбосар изламоқда. Энг яхши вариантлардан бири - "Бёрнли"нинг 21 ёшли дарвозабони Жеймс Траффорд.
У "Манчестер Сити" тарбияланувчиси, аммо асосий жамоада дебют ўтказмаган. Траффорд икки марта "Болтон"га ижарага берилди ва 2023 йилнинг июлида у тўлиқ "Бёрнли"га 17,3 миллион евро эвазига ўтди.
Жеймс жорий мавсумда 28 та ўйинда 62 та гол ўтказиб юборди.
