"Реал" ҳимоячиси Антонио Рюдигер "Лос-Бланкос"нинг собиқ футболчиси Пепени ўзининг севимли футболчиси деб атади.
Немис футболчисининг тан олишича, у ҳам Пепе каби рақибларини жаҳлини чиқаришни яхши кўради. Бироқ, Рюдигернинг фикрича, португалиялик футболчи бошқа даражада.
"Менинг севимли футболчим бу Пепе. Менинг севимли маҳоратим? Рақибларни жаҳлини чиқариш. Ҳа, мен ва Пепе ўртамизда ўхшашликларни кўряпман, лекин ростини айтсам, у бошқа савияда", — деди Рюдигер Madrid Xtra билан суҳбатда.
Жорий мавсумда Рюдигер “Реал” сафида 41 та ўйинда майдонга тушиб, битта гол урди ва иккита голли узатмани амалга оширди.
