Тибо Куртуа Евро-2024'да ўйнамайди.

Бу ҳақда Бельгия терма жамоаси бош мураббийи Доменико Тедеско маълум қилди.

Дарвозабон 2023 йил август ойида “Реал Мадрид” машғулотлари чоғида чап тиззасидаги хоч боғламини йиртиб олганди. Март ойида футболчининг ўнг тиззасидан операция қилинган эди.

Куртуа душанба куни "Реал Мадрид" жамоаси машғулотларига қайтди ва "Бавария"га қарши биринчи Чемпионлар лигаси ярим финалида жамоа таркибига киритилди.

Аввалроқ Тибо Евро-2024'да ўйнамаслигини шахсан эълон қилганди. Тедесконинг сўзларига кўра, декабрь ойида ўз қарорини эълон қилиб, Куртуа мураббийлар штабига тайёргарлик кўриш учун вақт сўраган.

Бельгия терма жамоаси бош мураббийи: "Биз формада бўлган ўйинчиларга эътибор қаратмоқдамиз", - деди.