Мадриднинг “Реал” клуби бош мураббийи Карло Анчелотти жамоанинг германиялик ярим ҳимоячиси Тони Крооснинг “Бавария” билан ЕЧЛ ярим финали доирасидаги меҳмондаги ўйини ҳақида гапирди. Учрашув 2:2 ҳисобида дуранг билан якунланди.
“Кроос? Менда сўз йўқ. Бу юқори даражадаги футболчи. Тони жамоанинг ҳаракатларида ҳал қилувчи рол ўйнайди. Унинг узатмалари ҳаммага ҳам насиб этавермайди, бироқ Винисиус Кроос билан аъло даражада муносабатда бўлди", - деди италиялик мураббий.
Биринчи бўлимда бразилиялик ҳужумчи Крооснинг узатмасидан гол урди. "Реал" ва "Бавария" ўртасидаги жавоб учрашуви 8 май куни "Сантьяго Бернабеу" стадионида бўлиб ўтади.
