Эдин Терзич "ПСЖ" билан қарама-қаршилик ҳақида гапирди.
Эртага "Боруссия" ўз майдонида "ПСЖ"га қарши Чемпионлар лигаси 1/2 финал дастлабки ўйинини ўтказади.
"Биз ғалаба қозониш учун ҳамма нарсани қилишимиз керак. Биз ўз имкониятларимизга ишонамиз. Энг кам тажрибали жамоа бўлишимиз мумкин (ярим финалчилар орасида), лекин ғалабага чанқоқ бўлиб турибмиз. "Уэмбли"га бориш учун ҳар куни кўп меҳнат қилишимиз керак.
Биз камида 180 дақиқа энг юқори савияда ўйнашимиз кераклигини биламиз", - деди “Боруссия” бош мураббийи.
Терзич жароҳати сабаб бир нечта ўйинларни ўтказиб юборган Донелл Мален, Марсель Сабицер ва Себастьян Аллернинг майдонга тушишини қайд этди.
