Премьер-лига учрашувлари вақтида стадионда ВАР қарорлари учун тушунтиришлар киритилиши мумкин.
Премьер-лигада келаси мавсумдан бошлаб ҳакамлар ўйинлар вақтида ВАР қарорларини тушунтиришни бошлашлари мумкин.
Бу ҳақда Премьер-лига ҳакамлари раҳбари Ховард Уэбб Match Officials Mic’d Up кўрсатувида гапирди.
"Бу ҳақиқатан ҳам яхшиланишга муҳтож вазият, шундай эмасми? Бундай шоуларда аудиони эшитганингизда, нима бўлаётгани ҳақида яхшироқ тасаввурга эга бўласиз; ҳаммаси аён бўлади. Биз буни стадионда [ўйин давомида] амалга ошириш йўлларини кўриб чиқяпмиз.
Аёллар ўртасидаги жаҳон чемпионати каби ФИФА турнирларида сиз кўрган нарсалардан бири бу стадиондаги экранда пайдо бўладиган ҳакамларнинг тушунтиришлари бўлади.
Шунинг учун биз буни кўриб чиқмоқдамиз ва бу тажрибани Премьер-лигага олиб киришга тайёрмиз.
Ҳакамларнинг стадиондаги барча одамлар билан гаплаша олиши ҳақиқатан ҳам фойдали бўларди", - деди Ховард Уэбб.
