Ҳужумчи Ромелу Лукакунинг келажаги мавҳумлигича қолмоқда.
La Gazzetta dello Sport нашри хабарига кўра, "Челси" сўнгги йилларда ижарада бўлган бельгиялик форвардни сотмоқчи. Лукакунинг амалдаги шартномасида сотиб олиш опцияси 38 миллион фунт стерлинг миқдорида киритилган.
"Челси" бу пулни "Наполи"дан Виктор Осимхен трансферини молиялаш учун ишлатмоқчи.
Қайд этилишича, 30 ёшли Ромелу Лукакуга бир қанча клублар қизиқиш билдирмоқда. 2023/2024 йилги мавсумда Лукаку "Рома"да ижара асосида ўйнамоқда. Бельгиялик ҳужумчи 42 учрашувда 19 та гол ва 4 та голли узатмани амалга оширган.
