"Челси" ёзги трансфер ойнасида ўзининг дарвоза позициясини кучайтиришни режалаштирмоқда. TBR Football хабарига кўра, Лондон клуби "Эвертон" дарвозабони Жордан Пикфордга қизиқиш билдирмоқда. "Аристократлар" келаси мавсумда 30 ёшли футболчи билан шартнома имзолашга ҳаракат қилишлари мумкин.
Transfermarkt портали экспертлари Пикфордни 22 миллион еврога баҳоламоқда. Шу билан бирга, аслида футболчининг трансфер нархи қимматроқ бўлиши мумкин.
Айтиш жоизки, Жордан Пикфорд Англия терма жамоасининг асосий дарвозабони ҳисобланади. Келаси ёзда жамоа Германияда бўлиб ўтадиган Европа чемпионатида иштирок этади.
