"Барселона" ҳужумчиси Витор Роке ўйин амалиёти учун камлиги жамоани тарк этиш ниятида эмас.

Бразилиянинг "Атлетико Паранаэнсе" жамоасидан сотиб олинган 19 ёшли футболчи январь ойида каталонияликлар сафига қўшилганди. Бразилиялик камдан-кам ҳолларда асосий таркибда майдонга тушади ва "кўк-анорранглилар"нинг сўнгги учта ўйинида у ҳатто заҳирага ҳам киритилмади.

Миш-мишларга кўра, ҳужумчи келаси ёзда ижарага берилиши мумкин, аммо ўсиб бораётган юлдуз қолишни афзал кўриши маълум.

Журналист Санти Овалленинг сўзларига кўра, Роке вазиятга босиқлик билан ёндашади. Ёш футболчи жамоадаги ўрин учун курашишга тайёр ва Роберт Левандовскидан ўрганиш имкониятини ўзининг ривожланиши учун жуда қимматли деб ҳисоблайди.