Дарвозабон Жордан Пикфорд ёзги трансфер ойнасида “Эвертон”ни тарк этиши мумкин. Қайд этилишича, мерсисайдликлар янги ҳомий билан келиша олмаса, футболчи билан хайрлашишга мажбур бўлишади.
Гап шундаки, клуб молиявий қийинчиликларни бошдан кечирмоқда, Жордан эса жамоадаги энг катта маош олувчилардан бири. 30 ёшли дарвозабон 2017 йилнинг ёзидан буён "Эвертон"да тўп тепмоқда.
Томонлар ўртасидаги меҳнат шартномаси муддати 2027 йил июнь ойи охирида тугайди. Пикфорднинг трансфер нархи 22 миллион еврога баҳоланмоқда.
