Мадриднинг “Реал” клуби ҳимоячиси Начо Фернандес ёзги трансфер ойнасида клубини ўзгартиради. Маълум бўлишича, тажрибали испаниялик Европани тарк этиб, АҚШга кетади.
Саудия Арабистони ва Италиядан келган таклифларга қарамай, Начо фаолиятини МЛСда давом эттиришга қарор қилди. Фернандеснинг янги иш жойи аргентиналик Лионель Месси тўп тепадиган "Интер Майами" бўлиши керак.
34 ёшли ҳимоячи Девид Бекхэм клубига текинга берилади, чунки унинг "Реал" билан шартномаси 2024 йилнинг июн ойи охирида якунига етади. Фернандес "қироллик" клубида 2012 йилдан буён ўйнаб келмоқда.
