"Манчестер Юнайтед" бош мураббийи Эрик тен Хаг Дортмунднинг "Боруссия" клуби ярим ҳимоячиси Жэйдон Санчонинг "ПСЖ"га қарши Чемпионлар лигасининг биринчи ярим финал учрашувидаги (1:0) ўйини ҳақида гапирди.
"Жэйдон жуда яхши ўйнади, у "Манчестер Юнайтед" уни нима сабабга кўра сотиб олганини кўрсатди. У клуб учун катта бойлик эканлигини яна бир бор исботлади. Санчонинг кечаги ўйинидан хурсандман. Келажакда нима бўлишини кўрамиз", - деди тен Хаг.
Ўтган қишда Санчо 2024 йилнинг ёзига қадар "Манчестер Юнайтед"дан "Боруссия"га ижара асосида ўтган эди. "Transfermarkt" портали маълумотларига кўра, футболчининг бозор нархи 25 миллион еврони ташкил қилади.
