Дортмунднинг “Боруссия” клуби “Челси”дан ижарага олинган ҳимоячи Ян Матсенни тўлиқ сотиб олмоқчи. Бу ҳақда инсайдер Фабрицио Романо хабар бермоқда.
"Асаларилар" раҳбарияти ўйинчидан мамнун ва уни доимий равишда таркибда сақлаб қолмоқчи. Бироқ футболчининг ҳоҳиши ҳозирча маълум эмас.
"Боруссия" учун муаммо молиявий компонент бўлиши мумкин. Нидерландиялик футболчи учун товон пули 35 миллион еврони ташкил этади.
Жорий мавсумда 22 ёшли ҳимоячи барча турнирларда 34 та ўйин ўтказиб, 2 та гол урди ва 2 та голли узатмани амалга оширди.
