"Манчестер Сити" ҳужумкор ярим ҳимоячиси Фил Фоден жамоанинг апрель ойидаги энг яхши футболчиси деб топилди. Бу ҳақда клуб матбуот хизмати хабар берди.
Апрель ойида англиялик футболчи “шаҳарликлар” сафида рақиб дарвозасига 6 та гол урди. Учтаси Премьер-лигада “Астон Вилла”га, иккитаси “Брайтон”га қарши ўйинларда. Шунингдек, Фил ЕЧЛ чорак финалининг биринчи ўйинида (3:3) “Реал” дарвозасига ҳам битта гол урди.
Эслатиб ўтамиз, “Сити” ҳозирда иккита совринга даъвогарлик қилмоқда - Премьер-лига ва Англия кубоги.
