Мюнхеннинг “Бавария” клуби “Манчестер Сити” ярим ҳимоячиси Бернарду Силванинг агентлари билан боғланиб, унинг мавсум охиридаги эҳтимолий трансферини муҳокама қилди, деб хабар беради Sport.es.
Нашрнинг ёзишича, Мюнхен клуби футболчини сотиб олиш ва унга узоқ муддатли шартнома билан яхши маош таклиф қилиш учун тахминан 60 миллион евро сарфлашга тайёр.
Жорий мавсумда Силва барча турнирлар доирасида 44 та ўйинда майдонга тушиб, 11 та гол ва 6 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
