Мадриднинг “Реал” клуби ярим ҳимоячи Франко Мастантуоно трансфери борасида “Ривер Плейт” билан боғланди. Бу ҳақда таниқли италиялик журналист Фабрицио Романо хабар бермоқда.
Манбага кўра, испан клуби 16 ёшли аргентиналик футболчининг иқтидорини юқори баҳолайди ва уни янги Федерико Вальверде сифатида кўради.
Эслатиб ўтамиз, Мастантуоно “Ривер Плейт” катталар жамоаси сафида 11 та ўйин ўтказиб, 2 та гол урган.
Футболчининг меҳнат шартномаси 2026 йилнинг охиригача амал қилади. Transfermarkt портали футболчининг нархини тўрт миллион еврога баҳоламоқда.
