"Манчестер Сити" бош мураббийи Пеп Гвардиола жамоаси дарвозабонлари - Эдерсон ва Стефан Ортега ўртасидаги танлов ҳақида гапирди.

"Эди - биринчи вариант, аммо биз Стефанга ишонамиз. Ўтмишда ҳам шундай бўлган ва ҳозир ҳам шундай. Эдерсоннинг жароҳати биз кутгандек жиддий бўлмагани яхши - пайлари шикастланмаган ёки йиртилмаган.

Бизда ажойиб дарвозабонлар бор. Скотт Карсон ечиниш хонасида жуда муҳим - мен буни кўп марта айтганман.

Аммо бизда иккита ажойиб дарвозабон бор - ақл бовар қилмайдиган! - улар жуда ишончли. Мен тинч ухлайман, чунки шундай дарвозабонларим бор, мен ҳақиқатан ҳам тинч ухлайман", - дея Гвардиоланинг сўзларини келтиради «Манчестер Сити» расмий сайти.