"Манчестер Сити" бош мураббийи Пеп Гвардиола захира дарвозабони Штефан Ортега келажаги ҳақида гапирди.
Олдинроқ, германиялик футболчи кейинги ёзда "шаҳарликлар"ни тарк этиши мумкинлиги, чунки у мунтазам ўйин амалиётига эга бўлишни хоҳлаётгани ҳақида хабар берилганди.
“Мен Штефан Ортега қолишини истардим. Раҳбарият ҳам буни хоҳлайди. Биз унга буни ҳис қилишига имкон берамиз, лекин нима бўлишини билмайман. Ҳар кимнинг ўз ҳаёти, хотини, болалари, истаклари бор, шунинг учун ҳеч қандай кафолат йўқ. Менимча, у ҳозир яхши ҳолатда. Штефан "Манчестер Сити"да жуда бахтли, аммо мен унинг нега ҳар ҳафта ўйнашни истаётганини тушуна оламан", - дея Гвардиоланинг сўзларидан иқтибос келтиради журналист Фабрицио Романо.
