Ўзбекистон Суперлигаси 6-тури доирасида сафарда Андижонни кичик ҳисобда мағлуб этган Сўғдиёна клуби устози Иван Бошкович жамоаси ғалабаси ҳақида фикр билдирди.

"Очиғини айтсам, бундай атмосферада ўйнаш жуда ёқимли. Бундай ўйинлар Ўзбекистон чемпионати учун жуда керак. Бундай рақиб майдонда ғалаба қозониш эса икки ҳисса ёқимли.

Бугун ҳақли ғалабага эришдик дейишим мумкин. Стандартларда, бошқа муҳим жабҳаларда устунлик қилдик. Рақибимиз жуда яхши шаклланган жамоа. Уларга қарши жуда қийин ўйин бўлишини билгандик. Бунга тайёр эдик.

Албатта, бунда атмосфера меҳмон жамоага таъсир қилади. Стандартларда, узун паслар амалга оширилаётганда. Умуман, барча жабҳада буни ҳис қилиш мумкин. Бу ўзига ҳос босим. Буни тан олиш лозим. Аммо, шунга қарамай, бугун рақибга қараганда яхшироқ ўйнадик ва ғалаба қозондик. Ғалабага ҳақлироқ эдик. Буни аниқ айта оламан.

Мен ҳам албатта мураббий сифатида эҳтиросларга бериламан. Бу табиий ҳол. Ўйинлар давомида кимгадир қаттиқ гапирсам, барчаси эҳтирослар сабаб. Бу нормал ва футболда доим бўлиб турадиган ҳолат. Буни тўғри тушунишингиз керак", — деди Бошкович.