"Милан" Стефано Пиоли ўрнига асосий номзод сифатида учта португалиялик мураббийни аниқлаб олди.
“Россонерилар”нинг амалдаги мураббийи мавсум якунланганидан кейин ўз лавозимини тарк этиши кутилмоқда. SportItalia хабарига кўра, "Милан"нинг қисқа рўйхатини ҳозирда Сержиу Консейсау ("Порту") ва Паулу Фонсека ("Лилль") асосий даъвогар, учинчи вариант эса Рубен Аморим ("Спортинг Лиссабон") бўлиб турибди. Ўтган ёзда "Вулверхэмптон"ни тарк этганидан бери ишсиз юрган Хулен Лопетеги аввалроқ бу лавозимга фаворит ҳисобланганди, аммо "Милан" мухлислари испанияликнинг тайинланишига очиқчасига қарши чиқишди.
"Милан" А Серия турнир жадвалида иккинчи ўринни эгаллаб турибди ва чемпион "Интер"дан 19 очко ортда қолмоқда.
