"Лилль" ҳужумчиси Жонатан Дэвид клубини ўзгартиришга яқин турибди.

“Лилль” ёзда ўз етакчисини сотишга мажбур бўлиши кутилмоқда: канадалик футболчининг шартномаси 2025 йилда тугайди, шунинг учун кейинги мавсум охирида у эркин агентга айланиши мумкинлиги сабаб клуб уни сотувга қўяди. Журналист Николо Скиранинг ёзишича, Дэвидга Англиянинг “Астон Вилла” клуби қизиқиш билдирмоқда. Қайд этилишича, 24 ёшли форварднинг ўзи яқинлашиб келаётган трансфер ойнасида клубини ўзгартиришга тайёр.

Жонатан Дэвид жорий Лига 1 мусобақасида Килиан Мбаппедан (26) кейин иккинчи тўпурар (17 гол). Transfermarkt экспертлари "Лилль" юлдузининг нархини 50 миллион еврога баҳоламоқда.