Жозе Моуриньо Саудия Арабистонида иш бошлаши мумкин.
Журналист Бен Жейкобснинг ёзишича, “Ал-Қодисия” кейинги мавсум учун португалиялик мутахассисни бош мураббий этиб тайинламоқчи. Клуб апрель ойида ФИФА билан 2027 йилгача ҳомийлик шартномаси имзолаган Aramco нефть компаниясига тегишли.
"Ал-Қодисия" Саудия Арабистонининг иккинчи дивизионида ўйнайди ва олий дивизионга чиқишга яқин турибди - бунинг учун қолган 4та ўйинда 2 очко олиши керак. Раҳбарият Саудия Арабистони Суверен Жамғармасига (PIF) тегишли бўлган клубларга рақобат ўрнатиш ниятида.
Моуриньо май ойи охирида Саудияга етиб келиши кутилмоқда. 61 ёшли мураббийнинг сўнгги клуби “Рома” бўлиб, у 16 январь куни истеъфога чиқарилган эди.
