"Барселона" бош мураббийи Хави Эрнандеснинг фикрича, унинг жамоаси рақибларидан яхши ҳаракат қилган ҳолда ўйинларда мағлуб бўлмоқда.

Ла Лига доирасидаги кечаги ўйинда "кўк-анорранглилар" “Жирона”га 2:4 ҳисобида имкониятни бой бериб, “Реал”га чемпионликни муддатидан олдин қўлга киритиш имконини берди. 1-даврада ҳам Каталониянинг икки жамоаси ўртасидаги ўйинда худди шундай натижа қайд этилганди. "Қаймоқранглилар" билан ўйинларда ҳам "Барселона" икки марта мағлуб бўлди - 1:2 ва 2:3.

"Реал Мадрид" ва "Жирона"га қарши иккала ўйинда ҳам ўйинда устунликка эга бўлдик, аммо бу натижага таъсир қилмади", - деди Хави ўйиндан кейинги матбуот анжуманида.