"Барселона" сардори Серхи Роберто Испания чемпионатининг 34-туридан ўрин олган "Жирона"га қарши ўйин ҳақида ўз фикрларини билдириб ўтди.
Эслатиб ўтамиз, учрашув шанба куни бўлиб ўтган ва “Жирона”нинг 4:2 ҳисобидаги ғалабаси билан якунланган эди.
"Барселона" бундай натижага лойиқ эмас эди. Бугун биз яхши ўйин ўтказдик, лекин мен майдонни жуда жаҳл билан тарк этдим, иккинчи гол ўтказиб юборилган вақтда хатога йўл қўйдим, шунинг учун мухлисларимиздан узр сўрайман", дея футболчининг сўзларидан иқтибос келтирмоқда испан ОАВ.