"Ливерпуль" ҳужумчиси Дарвин Нуньес "Барселона"нинг мақсадларидан бири. "Блауграна"нинг амалдаги ҳужумчиси Роберт Левандовскининг янги мавсумдаги маоши йилига 30 миллион евродан ошади. Бу клубнинг умумий ойликарининг тахминан 15 фоизини ташкил қилади, дея хабар беради The Sun.

Шу сабабли, манбанинг хабарига кўра, "Барселона" 35 ёшли поляк билан хайрлашиб, унинг ўрнига "Ливерпул"дан Дарвин Нуньесни қўлга киритиши мумкин. Уругвайлик футболчининг кутилаётган маоши Левандовскиникидан тахминан 4 баравар кам бўлади.

Жорий мавсумда 24 ёшли футболчи “Ливерпуль” сафида 51 та ўйинда майдонга тушиб, 18 та гол ва 13 та голли узатмани амалга оширди.