“Рома” ҳужумчиси Тэмми Абрахам оммавий ўлим таҳдидлари ва ирқий ҳақоратларни ола бошлаганидан сўнг ўз ижтимоий тармоқларида фикр билдиришни тўхтатишга мажбур бўлди.
Шунга ўхшаш хабарлар Европа Лигасининг биринчи ярим финал ўйинидан сўнг, "бўрилар" "Байер"га 0:2 ҳисобида мағлуб бўлганидан кейин кела бошлади.
Бу ҳақда журналист Алфредо Педулланинг расмий сайти хабар бермоқда.
Эслатиб ўтамиз, ўйин сўнгида англиялик ҳужумчи яқин масофадан боши билан дарвозага йўллаган зарбаси билан ҳисобдаги фарқни қисқартириш учун яққол имкониятни бой берди.
Жамоалар ўртасидаги жавоб ўйини 9 май куни Леверкузендаги "Бай Арена"да бўлиб ўтади.
