2020-йилда вафот этган аргентиналик афсонавий футболчи Диего Марадонанинг фарзандлари отасининг жасадини хавфсизроқ жойга кўчиришни сўраб судга ариза беришди.
Бу ҳақда Reuters хабар бермоқда.
Манбага кўра, Марадонанинг фарзандлари унинг жасади Аргентина президентининг расмий қароргоҳи ортида жойлашган мақбарага кўчирилишини исташмоқда.
Ҳозирда собиқ футболчининг жасади Буенос-Айреснинг чеккасида, шахсий қабристонда жойлашган.
Бу қабристонга фақат унинг оила аъзолари ташриф буюриши мумкин. Ўз навбатида, Марадона жасадини мақбарага кўчириш орқали болалар бошқа одамларга ҳам афсонавий футболчи билан хайрлашиш имкониятини бермоқчи.
