"Байер" Бундеслиганинг жорий мавсумида 82 та гол уриб, клуб рекордини ўрнатди.

Мураббий Хаби Алонсо шогирдлари Бундеслиганинг 32-турида Франкфуртнинг “Айнтрахт” клубини меҳмонда мағлуб этишди (5:1).

Шу тариқа, "Байер" жорий мавсумда 82 та гол урди, бу Германия чемпионатида клуб рекорди ҳисобланади.

Урилган голлар сони бўйича Бундеслига рекорди "Бавария"га тегишли - 1971/72 йилги мавсумда 101 та гол.

Бундан ташқари, Леверкузен клуби мағлубиятсиз сериясини 48 та ўйинга етказди - бу Европанинг топ-5 лигаси учун рекорддир.

Бундеслиганинг жорий мавсуми тугагунига қадар “Байер” сафарда “Боҳум”га, ўз майдонида “Аугсбург”га қарши ўйнайди. 9 май куни Германия чемпиони Европа лигасининг иккинчи ярим финалида “Рома” билан тўқнаш келади (биринчи ўйин – 2:0). 25 май куни “Байер” Германия кубоги финалида “Кайзерслаутерн”га қарши майдонга тушади.