"Bayer" Bundesliganing joriy mavsumida 82 ta gol urib, klub rekordini o‘rnatdi.
Murabbiy Xabi Alonso shogirdlari Bundesliganing 32-turida Frankfurtning “Ayntraxt” klubini mehmonda mag‘lub etishdi (5:1).
Shu tariqa, "Bayer" joriy mavsumda 82 ta gol urdi, bu Germaniya chempionatida klub rekordi hisoblanadi.
Urilgan gollar soni bo‘yicha Bundesliga rekordi "Bavariya"ga tegishli - 1971/72 yilgi mavsumda 101 ta gol.
Bundan tashqari, Leverkuzen klubi mag‘lubiyatsiz seriyasini 48 ta o‘yinga yetkazdi - bu Yevropaning top-5 ligasi uchun rekorddir.
Bundesliganing joriy mavsumi tugaguniga qadar “Bayer” safarda “Bohum”ga, o‘z maydonida “Augsburg”ga qarshi o‘ynaydi. 9 may kuni Germaniya chempioni Yevropa ligasining ikkinchi yarim finalida “Roma” bilan to‘qnash keladi (birinchi o‘yin – 2:0). 25 may kuni “Bayer” Germaniya kubogi finalida “Kayzerslautern”ga qarshi maydonga tushadi.
