Германия чемпионати доирасида "Байер" меҳмонда "Айнтрахт"ни мағлуб этди. Бу натижа ҳақида "доришунослар" бош мураббийи Хаби Алонсо ўз фикрини билдирди.

“Ушбу ўйинни дисквалификация туфайли трибунада кузатдим. Лекин барибир ажойиб ўйин кўрсатдик ва ажойиб натижага эришдик. Шикнинг танаффус олдидан урган голи катта роль ўйнади. Иккинчи бўлимда “Байер” яхши ҳимояланди ва ҳужумда самарали ҳаракат қилди. Менинг ўрнимда бўлган ёрдамчиларим ажойиб иш қилишди", - деди испаниялик мутахассис.

Эслатиб ўтамиз, “Байер” 2023/2024 йилги мавсумда ҳозиргача мағлуб бўлгани йўқ.