Чоршанба оқшомида "Реал Мадрид" ва "Бавария" Чемпионлар лигаси ярим финалининг жавоб учрашувини ўтказади.
Томас Мюллер учун бу "Сантьяго Бернабеу"даги фаолиятидаги олтинчи ўйин бўлади. Тажрибали футболчи ушбу стадион ҳақида фикр билдирди.
"Бу ўйинни кутишга сабрим йўқ, стадион яқинда таъмирдан чиқарилди. "Бернабеу"да мени энг кўп ҳайратга соладиган нарса шундаки, у шаҳарнинг энг марказида жойлашган. Сиз бирон бир ҳудуддасиз, бир квартални босиб ўтасиз ва тўсатдан 80 минг ўринли стадионни кўрасиз. Мадридда футбол ҳақиқатан ҳам муҳим", - деди Мюллер "Бавария" матбуот хизматига.
Эслатиб ўтамиз, биринчи ярим финал учрашувида “Бавария” ва “Реал” 2:2 ҳисобида дуранг ўйнаган эди.
