"Кристал Пелас" АПЛнинг 36-туридан ўрин олган учрашувда (4:0) "Манчестер Юнайтед"га ҳеч қандай имконият қолдирмади. Эрик тен Хаг жамоаси учун бу жорий чемпионатдаги 13-мағлубият, Премьер-лига ташкил этилганидан бери эса клубнинг янги антирекорди, деб хабар беради BBC.
Охирги марта "Манчестер Юнайтед" 1989/90 йилги мавсумда бундан кўпроқ ютқазган. Ўшанда жамоа 16 мағлубиятни қабул қилиб олган.
Айни вақтда “Манчестер Юнайтед” 35 ўйиндан сўнг 54 очко билан турнир жадвалида саккизинчи ўринда бормоқда.
Кейинги турда манкунианликлар чемпионатнинг амалдаги пешқадами Лондоннинг “Арсенал” клубини қабул қилишлари керак.
