"Kristal Pelas" APLning 36-turidan o‘rin olgan uchrashuvda (4:0) "Manchester Yunayted"ga hech qanday imkoniyat qoldirmadi. Erik ten Xag jamoasi uchun bu joriy chempionatdagi 13-mag‘lubiyat, Premyer-liga tashkil etilganidan beri esa klubning yangi antirekordi, deb xabar beradi BBC.
Oxirgi marta "Manchester Yunayted" 1989/90 yilgi mavsumda bundan ko‘proq yutqazgan. O‘shanda jamoa 16 mag‘lubiyatni qabul qilib olgan.
Ayni vaqtda “Manchester Yunayted” 35 o‘yindan so‘ng 54 ochko bilan turnir jadvalida sakkizinchi o‘rinda bormoqda.
Keyingi turda mankunianliklar chempionatning amaldagi peshqadami Londonning “Arsenal” klubini qabul qilishlari kerak.
