Бахтиёр Ашурматов бошчилигидаги "Гулистон" жамоаси мана 3-турдирки мағлубият нималигини билмаяпти. Аслида 9 март куни бўлиб ўтиши лозим бўлган Олий лиганинг 2-тур ўйини бугун Самарқанд шаҳрида бўлиб ўтди.
Худди "Қизилқум" ва "Олмалиқ" каби "Динамо" жамоаси ҳам гулистонликлар дарвозасига йўл топа олмади. Ўйин давомида самарқандликлар ташаббусни ўз қўлларига олган ҳолда ҳужум уюштирган бўлсалар, сирдарёликлар қарши ҳужумдан фойдаланиш пайида бўлишди. Аммо ҳар иккала жамоага гол уриш насиб этмади.
"Гулистон" клуби 3 тур якунига кўра 5 очко билан 5-ўринга кўтарилиб олган бўлса, "Динамо" 2 очко билан 10-ўринда қолди.
ОЛИЙ ЛИГА. 2-ТУРНИНГ ҚОЛДИРИЛГАН ЎЙИНИ
"ДИНАМО" - "ГУЛИСТОН" - 0:0
Огоҳлантириш: Тоҳир Шамсиддинов (30)
"Динамо": Алекандр Меленчук, Александр Клецков, Сирож Сайфиев, Акмал Бозоров, Владимир Кликевич, Тўлқин Мирзаев (Абдулла Набиев 27), Аҳрол Рисқуллаев, Темур Дадашев (Фирдавс Абдусалимов 73), Нодир Санақулов, Азамат Бобожонов, Акмал Холмуродов
"Гулистон": Дониёр Усмонов, Иброҳим Раҳимов, Акбар Саттаев, Бобуржон Акбаров, Носирбек Отақўзиев (Константин Боев 87), Хуршид Йўлдошев (Зафаржон Қорақулов 63), Раббим Ҳасанов, Тоҳиржон Шамсиддинов, Собир Усмонхўжаев (Алишер Шоғуломов 82), Сарвар Жўраев, Элёр Жаҳонов
Ҳакамлар: М.Муҳаммедов, А.Маражабов, У.Каримов, В.Серазетдинов.
Назоратчи: А.Абдуллаев