Лондоннинг “Челси” клуби бош мураббийи Маурисио Почеттинонинг келажаги борасида бир қарорга келди. Журналист Бен Жейкобснинг хабарига кўра, "кўклар" раҳбарияти аргентиналикни жамоа бошқарувида қолдиради.

Манбанинг таъкидлашича, энди Почеттино келаси мавсумда "Челси" бош мураббийи бўлиб қоладиган сценарий эҳтимоли юқори. Аргентиналик жамоаси айни дамда Англия чемпионатида еттинчи ўринни эгаллаб, еврокубоклар учун кураш олиб бормоқда.

Почеттино жорий мавсумда "Челси"га Лига кубоги финали ва Англия кубоги ярим финалига чиқишга ҳам ёрдам берган. Маурисионинг клуб билан шартномаси 2025 йилнинг ёзида якунига етади.