Londonning “Chelsi” klubi bosh murabbiyi Maurisio Pochettinoning kelajagi borasida bir qarorga keldi. Jurnalist Ben Jeykobsning xabariga ko‘ra, "ko‘klar" rahbariyati argentinalikni jamoa boshqaruvida qoldiradi.
Manbaning ta’kidlashicha, endi Pochettino kelasi mavsumda "Chelsi" bosh murabbiyi bo‘lib qoladigan ssenariy ehtimoli yuqori. Argentinalik jamoasi ayni damda Angliya chempionatida yettinchi o‘rinni egallab, yevrokuboklar uchun kurash olib bormoqda.
Pochettino joriy mavsumda "Chelsi"ga Liga kubogi finali va Angliya kubogi yarim finaliga chiqishga ham yordam bergan. Maurisioning klub bilan shartnomasi 2025 yilning yozida yakuniga yetadi.
